MYNDASÍÐAN MÍN

Föstudagsrúntur







Eins og svo oft áður voru það suðurnesin
sem urðu fyrir valinu og eins og oftast var allt
harðlæst í Arnarhreiðrinu
Einhversstaðar þurftum við að fá okkur sopa
svo við brunuðum til Grindavíkur
og fengum okkur kaffi og tertu á flottu kaffihúsi
á bryggjunni. Í eftirrétt bauð vertinn okkur að kíkja upp á loft og skoða bátasýningu en forrétturinn var  Elvisslagari spilaður og sunginn af mjög efnilegum trúbador sem var á staðnum,
Mæli hiklaust með þessu notalega kaffihúsi.

Hjólatúr

Það var frekar kalt á okkur Jóni þegar við hjóluðum á suðurnesin í dag. Fyrst kíktum við í Hreiðrið en þar var allt í dvala. Svo við skelltum okkur í Garðinn í kaffi,
Þar var hálka og snjóföl ekki beint ákjósanlegt hjólafæri. Eftir kaffið hjá Gumma renndum við í Icebike til Láka. Alltaf gaman að koma þangað. Það styttist í að búðin hans fyllist af nýju dóti, ekki svo að það sé tómlegt þar núna, nei heldur betur ekki. Eftir þessa skemmtilegu heimsókn rúlluðum við brautina til baka annar í hraunið og hinn í fjörðinn.
Þetta var kaldur og hressandi hjólatúr.