Flott verð fyrir mótorhjólafólk með Norrænu

Danmörk:

Aðeins kr. 87.700 til Danmerkur og til baka í sumar. Innifalið er einn maður, eitt mótorhjól og gisting í 4m klefa inn.

Færeyjar:

Aðeins kr. 47.000 til Færeyja og til baka í sumar. Innifalið er einn maður, eitt mótorhjól og gisting í 4m klefa inn

Tilboðið komið inn á heimasíðu  Norrænu

www.smyril-line.is

Góð kveðja

Nordic Travel - Smyril Line Island

Stangarhyl 1 110 Reykjavik

Iceland

Tel +3545708600

Fax +3545529450

www.norræna.is

www.smyril-line.is

Fullkomið frelsi á hjólunum

Postularnir nefnast Bifhjólasamtök Suðurlands. Meðlimir þeirra hjóla saman og hafa gaman en stunda fjölbreytt góðgerðastörf

í þágu samfélagsins meðfram því. Hólmfríður Helga Sigurðardóttir heimsótti formann Postulanna, Guðnýju Einarsdóttur, og

eiginmann hennar, Unnar Jón Kristjánsson, sem segja fátt standast samanburð við að hjóla saman um sveitir Suðurlands.

MEIRIHÁTTAR SAMVERA Þegar Unnar Jón Kristjánsson var farinn að eyða flestum góðviðrisdögum á mótorhjólinu ákvað eiginkonan að það væri kominn tími til að slást í för með honum. Hún keypti sér líka hjól og

síðan hafa þau brunað saman um sveitir Suðurlands, hvenær sem færi gefst. FRÉTTABLAÐIÐ/VILHELM

Guðný: Þú skynjar eiginlega náttúruna með nefinu þegar

þú hjólar. Þú finnur sjávarlyktina og ilminn af nýslegnu

grasi. Þetta er mjög sterk upplifun. Þegar þú ert að keyra í

bíl sérðu bara, en skynjar ekki á sama hátt og þegar þú ert

að hjóla.

24 12. maí 2012 LAUGARDAGUR

Þegar hjónin Unnar Jón Kristjánsson og Guðný Einars dóttir vilja eiga góða stund saman fara

þau ekki út að borða, ganga á fjöll, eða horfa á vídeó eins og mörg önnur hjón. Þau klæða sig

í leðurgalla, setja upp hjálma og bruna saman um sveitir Suðurlands á samstæðum mótor hjólum

sínum. Þau hjónin eru bæði virkir meðlimir í Postulunum, Bifhjólasamtökum Suðurlands, þar

sem frúin gegnir formennsku. Þau taka á móti blaðamanni og ljós myndara Frétta blaðsins á

heimili sínu í Hveragerði, íklædd svörtum íþróttapeysum merktum Postulunum. Það er greinilegt

á klæðaburðinum og glansandi Suzuki-hjólunum í innkeyrslunni hvaða lífsstíll á hug þeirra allan.

Hjóla saman og hafa gaman Bifhjólasamtök skapa ósjálfrátt hugsanatengsl við skipulagða

glæpastarfsemi. Glæpir eru þó eins fjarri starfsemi Postulanna og hugsast getur. Eitt helsta markmið

þeirra, fyrir utan að hjóla saman og hafa gaman, er að stunda góðgerðastarfsemi að ýmsu tagi.

Unnar: Allt heiðvirt fólk er á móti glæpum, hvort sem það keyrir um á hjólum eða ekki. Það

er ægilega leiðinlegt að vélhjólasamtök skuli svo oft vera tengd við glæpastarfsemi og skekkir rosalega

ímynd okkar. Þeir sem eru að stunda glæpi verða bara að eiga það við sjálfa sig. Það er ekkert tengt

því sem við erum að gera. Við erum bara venjulegt fólk.

Guðný: Svo er það auðvitað okkar að skapa okkar eigin ímynd. Það skapar hana enginn fyrir okkur. Í

Postulunum eru 160 manns, þar af 28 konur. Mestmegnis er þetta fjölskyldufólk á aldrinum 30 til 80 ára.

Unnar: Uppistaðan hjá okkur, rétt eins og í flestum bifhjólaklúbbum, er bara venjulegt fólk.

Þegar þú sérð manneskju í mótorhjólaklæðnaði getur það verið læknir, lögfræðingur, hafnarverkamaður,

kona eða karl, afi eða amma. Þetta er bara venjulegt fólk sem hefur gaman af því að hjóla.

Þau segjast hvorugt upplifa að fólk óttist þau eða forðist að mæta þeim að kvöldi til, þrátt fyrir svarta

leðurgallana og hávær hjólin.

Unnar: Það er frekar öfugt, að fólk komi til manns og spjalli við mann, trúi manni jafnvel fyrir því

að það hafi alltaf dreymt um að kaupa sér hjól. Viðhorfið gagnvart okkur er almennt bara mjög gott,

sérstaklega hérna á Suðurlandi, þar sem margir vita hvað við stöndum fyrir.

Fullkomið frelsi Þau Unnar og Guðný segja það ólýsanlega góða tilfinningu, að aka um á mótorhjóli.

Unnar: Þetta er algjört frelsi. Það er dálítið erfitt að koma orðum að því hver tilfinningin er, maður

verður eiginlega bara að prófa.

Guðný: Þú skynjar eiginlega náttúruna með nefinu þegar þú hjólar. Þú finnur sjávarlyktina og

ilminn af nýslegnu grasi. Þetta er mjög sterk upplifun. Þegar þú ert að keyra í bíl sérðu bara, en

skynjar ekki á sama hátt og þegar þú ert að hjóla.

Unnar: Já, þetta er allt öðruvísi en að keyra í bíl, þegar þú ert kannski með miðstöðina í gangi og

útvarpið á fullu. Á hjólinu ertu bara einn með sjálfum þér og þínum hugsunum.

Þau Unnar og Guðný eru sammála um að flestir ökumenn sýni bifhjólamönnum tillitssemi, þó að

hið gagnstæða komi fyrir.

Unnar: Níutíu prósent ökumanna eru mjög tillitssöm og halda sína leið án þess að það hafi áhrif á

okkur. Við höfum samt lent í því að fólk svíni vísvitandi fyrir okkur.

Guðný: Það gerist líka stundum af því við sjáumst svo illa. Það er algengara að fólk svíni óvart fyrir

okkur, heldur en viljandi. Það ætla sér fáir að keyra einhvern niður.

Unnar: Ég hef það fyrir mottó að treysta engum nema sjálfum mér í umferðinni. Það hefur reynst mér

vel. Ég passa mig líka alltaf á því að fara varlega í kringum hestafólk, því hestarnir geta fælst, greyin. Í

Reykjavík þarf maður svo að passa sig sérstaklega á því að vera ekki keyrður út í kant, þegar bílar eru

að reyna að komast upp að hliðinni á manni.

Góðgerðirnar mikilvægar

Guðný er formaður Postulanna og heldur sem slíkur utan um allt starf Postulanna, skipuleggur uppákomur

með öðrum stjórnarmeðlimum og leitar styrkja, fyrir þau góðgerðaverkefni sem klúbburinn

vinnur í hverju sinni. Hópurinn hittist mjög reglulega, sérstaklega yfir sumartímann.

Guðný: Á sumrin hittumst við á hverju einasta þriðjudagskvöldi, hjólum saman og förum svo yfirleitt

eitthvert og fáum okkur kaffi.

Unnar: Hér á Suðurlandinu er svo falleg náttúra og það eru svo margir litlir og huggulegir kaffistaðir

hér um allar sveitir, sem gaman er að stoppa á.

Guðný: Þann 16. júní förum við í eina af okkar uppáhaldsferðum, þegar við heimsækjum

hann Má Sigurðsson, gæslumann á Geysi. Hann er heiðursmaður í Postulunum, gamall hjólamaður

sjálfur sem býður árlega öllum bifhjólamönnum í kaffi og með því. Þetta er æðisleg ferð.

Á meðal þeirra góðgerðaverkefnasem Postularnir taka þátt í er að keyra með ungmenni á Selfossi

á 17. júní, sem jafnan vekur mikla lukku, og svo heimsækja þau Sólheima árlega, þeim sjálfum og

heimilisfólki til mikillar ánægju.

Guðný: Á Sólheimum bíður fólkið allt árið eftir að við komum. En þessi ferð er ekki síður

skemmtileg fyrir okkur en þau. Það er ofsalega gaman að heimsækja Sólheima og sjá gleðina

skína úr hverju andliti. Fyrir jólin kaupa þau svo gjafir fyrir efnalítil börn, sem þau færa

kirkjunni innpakkaðar fyrir jólin. Þau hjónin eru sammála um að góðgerðastarfsemin sé mikil vægur

þáttur í starfsemi Postulanna.

Guðný: "Það gefur okkur ofsalega mikið að gera þetta."

Unnar: "Já, það er alltaf gott að gefa aftur til samfélagsins." Meiri háttar samvera

Eigið þið langt samband að baki, hjónin, og hafið þið alltaf verið svona samstíga í áhugamálunum?

Guðny: Hvað erum við búin að vera saman lengi?

Unnar: Já, nú þarf að telja .

Guðný: Þetta eru 25 ár. Við eigum tvö börn og eitt barnabarn.

Unnar: Það tók mig 17 ár með hvolpaaugun að eignast mótorhjól. Ég þurfti að leggjast í gólfið

liggur við.

Guðný: Ég var alveg drulluhrædd við svona mótorhjól. Þau höfðu alltaf verið drápstæki í

mínum augum.

Unnar: Ég lét svo loksins gamlan draum rætast árið 2004, fór á eBay og keypti mér hjól.

Guðný: En ég þorði aldrei að vera aftan á.

Unnar: Við byrjuðum einmitt á að prófa það. En þegar ég ætlaði að voga mér út á þjóðveginn fékk

ég bara bank í hjálminn og varð að snúa við.

Guðný: Já, ég verð að stjórna ferðinni sjálf. Svo keypti ég mér hjól árið 2007, þegar ég var farin

að vera alltof oft ein heima á góðviðrisdögum, þegar hann var úti að hjóla. Þá sá ég að það var annað

hvort að hjóla með, eða finna sér annað áhugamál.

Unnar: Það er svo skemmtilegt að hún skyldi fara út í þetta líka. Það er meiri háttar frábært að

vera saman í þessu.

Skoðunardagurinn 5. maí 2012

Nú verður skoðað hjá Frumherja,
opnum kl. 10:00
Verðið er, 2480 kr á hjól
Mikið fjör og mikil gleði ...

ERNIR

Allir ættu nú að taka til í bílskúrnum / kjallaranum / geymslunni / bílageymslunni og koma með allt það sem tilheyrir mótorhjólamenningunni, eins og varahluti, aukahluti, fatnað, skó, gleraugu, hjálma, verkfæri, yfirbreiðslur, merki, nælur, patcha, plaköt, fána, skraut, glös, dekk, grindur, hanska, o.fl. o.fl.
            Þeir sem vilja vera með bás geta gert það endurgjaldslaust, aðeins skaffa borð til að raða hlutunum á!
            Lifandi tónlist verður á staðnum og hitað upp í grillinu!
            Allar tegundir hjóla eru gjaldgeng, allt frá smáhjólum og vespum til stærstu götuhjóla!
            Endilega látið alla vita og hjálpumst að við að skapa skemmtilega hjólastemningu og skiptast á ráðum og veraldlegum hlutum :-)
Hlökkum til að sjá sem flesta!

Haustlitir á hjóli - Denver

Verð á mann í tvíbýli í 8 nætur kr. 176.900

Haustlitaferð til Colorado. Mótorhjól í viku um sveitirnar við rætur Klettafjalla þar sem haustlitirnir eru þá í hámarki. Gist verður í smábæ sem heitir Frisco, sem er frá tímum gullæðisins um 1879 og er íbúafjöldi nú aðeins 2700 manns. Hægt er að fara í dagsferðir út frá Frisco í allar áttir. Í boði eru 5 skipulagðar ferðir með farastjóra og eru dagleiðirnar um 250-330 km. Hitastig á þessum tíma er um 12 - 16°c. Hjólin eru pöntuð hjá farastjóra idda65@hotmail.com og eru frá Harley Davidson og eru ekki innifalin í verði ferðar.

Saga Club Gjafabréf - Hægt er að nýta Vildarpunkta sem inneign upp í flugferð til allra áfangastaða Icelandair. Athugið að einungis er hægt að nota eitt gjafabréf fyrir hvern farþega í hverri ferð.

Nánari upplýsingar um Denver er að finna hér.
Fyrir pakkabókun til Denver fást á bilinu 5.400 til 8.640 Vildarpunktar

Bóka núna

Verð

Verð á mann í tvíbýli kr. 176.900
Verð á mann í einbýli kr. 229.300

Lágmarksþátttaka 20 manns

Ferðalýsing

Laugardagur 22. september
Flogið til Denver með FI 671. Brottför frá Keflavík kl. 16.45 og áætluð lending í Denver kl. 18.40. Farið með rútu til Frisco, á Hotel Best western Lake Dillon Lodge.

Sunnudagur 23. september
Hjólin afhent, frjáls hjóladagur

Mánudagur 24. september
Í boði ferð með farastjóra

Þriðjudagur 25. september
Í boði ferð með farastjóra

Miðvikudagur 26. september
Í boði ferð með farastjóra

Fimmtudagur 27. september
Í boði ferð með farastjóra

Föstudagur 28. september
Í boði ferð með farastjóra

Laugardagur 29. september
Frjáls hjóladagur

Sunnudagur 30. september
Hjólum skilað, farið með rútu til Denver og flogið heim með FI 670. Brottför kl. 17:15 áætluð lending í Keflavík kl. 06:35 (næsta dag, 1. október)

Innifalið

Flug
Flugvallarskattar
Gisting í 8 nætur á Best Western Lake Dillon Lodge
Ferðir til og frá flugvelli erlendis
Íslensk fararstjórn

http://www.sturgismotorcyclerally.com/

Einn góður í lok vikunnar:

Kona og karl,
sem aldrei höfðu hist, ferðast saman í lest og lenda í þeirri óvenjulegu aðstöðu
að deila svefnklefa um borð. Eftir örlitla blygðun og roða í kinnum fara þau
bæði að sofa, maðurinn í efri koju og konan í neðri. Um miðja nóttina vaknar
karlinn, vekur konuna og segir, "fyrirgefðu truflunina, en mér er óskaplega kalt
og var að velta fyrir mér hvort þú gætir mögulega rétt mér annað teppi? "  Konan
hallar sér vinalega í átt til karlsins og segir, "ÉG hef betri hugmynd, hvernig
væri að við létumst vera gift, aðeins í nótt?"  Með bros á vör segir maðurinn á
móti, "frábær hugmynd",  "Gott", segir konan; "Náðu þá í þitt eigið teppi,
karlpungur!"

Einn góður frá henni Báru

Forstjórar: Miller, Corona og
Tuborg fóru út að borða, þjónninn spurði hvað mætti
bjóða þeim að drekka.
Forstjóri Miller sagði "Ég ætla fá einn Miller"
Næstur var forstjóri Corona, "Ég ætla fá Corona" Forstjóri Tuborg sagði
"Ég ætla fá eina coke" Þjóninum
fannst þetta furðulegt og spurði
hann"Hversvegna færðu þér... ekki...
Tuborg?"


Hann svaraði "Fyrst hinir ætla ekki að fá sér
bjór, þá fæ ég mér ekki heldur...... 
 

Ímyndarmál bifhjólafólks -
 

Opinn fundur     Skrifað af Bergur Kristinsson